ILLARINE - Viajé

| October 6, 2009 |

cusquenian

cusquenian

Turiykuna warmimasiykuna, ancha kuyakuyniyta chaskiykuychik  kay sumaq punchawpi.
Ñuqa  llaqtanchikunaman  illarirani, ichapas achka watamantaña kay ñankunapi purimuni, manan  ñawpaqta qinañachu qawariptiyqa.
Imanasqa?, nisqaykichik, Apachieta urqupi  riti wiñaypaq tarikuq chaynallataq Ritipata , Aqumate urqukunapipas. Kay urqukuna tarikun Paras, Cangallo, Ayacucho llaqtapi. Kunanqa imanasqataq chinkachkan?, ichapas mana tapunakunchikchu utaq ni imapas qukuwanchikchu, imanasqa?,  chayna huk llaqtanchikunapipas urqukunapi riti chullusqanmanta.Sichus taksa kaspanchik  kay urqukunapi ancha rititam rikurqanchik, kananqa asllañan tarikun, chaymi ñuqanchik qamutaspa lliw runakuna tapunakunchik imatan rurachwan amaña chullunanpaq?, nisqaykichik turiy ñañay,  wawanchikuna utaq willkanchikuna hamuptinkuqa ¿ imaynataraq  kay urqakunata tarinqaku?.
Ñuqanchik kay llaqtanchikunapi amañam kañachwanñachu sachakunata, qurakunata, ichukunata utaq allpapi lliw wiñaqta, imatam rurachwan?, sichus qam munanki kañanta qinaspaqa, ama kañanchu sichus kañanki qinaspaqa qusniwanmi mama pachata qachachanki, imata rurawaq?, allpapi uchkuta ruraruspa chayman kachaykuy lliw qurakuna kañay munasqaykita qinaspa yakuwan nuyuykachiy chaymanta allpawan pamparuy, chaymantañataq yaqa chunka pichqayuq punchawmanta kasqanmanta nuyuykachiy yakuwan qinaspa quk chunka pichqayuq punchaumanta kicharuspa urquy chay quramanta wanu allpata.
Chay wanuwanqa tarpuynikikunamanmi hinawaq chayna sumaq sinchi achkata rurunanpaq.
Sichus mana qusni kanmanchu qinaptinqa kay sumaq urqukuna  ancha ritiyuq tarikunman qinaspapas chay ritikunamantach chullumunman suman chuya yaku, chaynaqa manañach yaku pisinmanñachu mama pachapi. Ima sumaqraq kay yakuwan llapa ichukuna, qukunapas pampapi wiñaq chikllirinman.
Turiykuna warmimasiykuna kunan ninku sichus kay ritikuna chulluruptinqa pisirunqañas yaku, chaysi qamuq watakunata qatun chaqwa kanqa llaqta pura   mama pachapi yakumanta qichunakuspaku.
Kunanqa amaña kañasunñachu yanqa puniqa. Amaña aswan qusni kachunñachu.
Sumaq chuya mama pachata saqisun ayllunchikuna qamuqman.
Ñuqawanqa kaykamalla huk punchawkama.

Akllasqa: gramatica, quechua
Tags: > > > > >

Rimaykuna

5 Rimaykuna para “ILLARINE - Viajé”

  1. Humberto Paz
    October 8th, 2009 @ 23:11

    Manan allintachu rimasianqui, pactatac pantaruac rimaskaiquiuan, kay pachamanta ñoqa napayquiqui, oc cama tarikunachis caman

  2. eduardo
    October 13th, 2009 @ 20:17

    allinmi kay qillqasqayki illarisaykimanta, panichay, ñuqa munayman lliw llaqtakunamanta qillqamunmanku ri.
    ESCRIBO QUECHUA aYACUCHANO, te felicito por escribir en quechua. Así como tú deben difundir lo nuestro,lo que haces en difundir es tan valioso.
    hasta pronto

  3. alex
    October 13th, 2009 @ 20:25

    TE ESCRIBO DESDE HUARAZ,TE DIRÉ EL QUECHUA ES UNO SOLO, ALGUNAS PALABRAS SON DIFERENTES EN CADA REGIÓN Y LA FORMA DE HABLAR EN ALGUNAS PALABRAS.
    FELICITACIONES NANCY.

  4. gLADIS
    November 10th, 2009 @ 17:57

    que hermoso es viajar a nuestro Peru profundo, el quechua me trae recuerdos mi viaje a Cusco.
    gracias por escribir, hasta pronoto.

  5. ISABEL
    November 10th, 2009 @ 17:59

    ES INTERESANTE QUE ESCRIBAS EN LO NUESTRO, TE FELICITO NANCY.

Saqiway willakuynikita





  • Nancy Ayala

  • Ñuqamanta

    Quechua, utaq runa simi, kay rimayninchikta rimakunchik pinqakuspa, manchakuspa wakinninchiqa, ¿imanasqa?. Ñuqanchikqa rimakunchik llaqtanchikpi rimasqanchiktam, manam huqpa simintachu, manataqmi qichunchikchu nitaq suwakunchikchu huqpa rimayninta. Chaynaqa rimakusun kay runa siminchikta ancha kuyakuywan. Qinaspapas kunanqa chinparunñam qatun mama quchatapas, kay qawachiktapas chaynan riqsisaña yaqa lliw mamapachapi. Ñuqa taksa kaptiy niwarqaku chay simitaqa manan rimanachu nispa, ñuqañataq miski rimakuy kaptin aswanman yacharurani chayna wakin erqe masiykunawan pukllanay rayku. Chaymi kunan miskita rimakuni.

    • Qam qillqaykuy kayninta RSS

    Subscribe via RSSSichus munanki kay rikusqaykita qinaspa munachkankichu yaykuyta kayman,amaña maskaychu.ñitiyku chay pukaniraqchapi qinaspa qillqaykuy chay munasqayki likasqaykimanta.